Ón 4 Lúnasa, cuirfidh Nasc Áitiúil TFI do Luimneach agus don Chlár feabhas ar sheirbhísí bus idir Inis agus Luimneach trí Chuinche agus trí Áth Leathan.
Tá an bealach feabhsaithe seo mar chuid den Phlean Soghluaisteachta Tuaithe Éire a Nascadh, ar mórthionscnamh náisiúnta iompair poiblí é a d’fhorbair agus a mhaoinigh an tÚdarás Náisiúnta Iompair (ÚNI) mar chuid de Ghréasán Transport for Ireland (TFI).
Bealach bus 318 de chuid Nasc Áitiúil TFI a nascann Ard na Croise, Cill Chisín, Cuinche agus Muileann Uí Cheallacháin.
Déanfar Bealach 318 a fheabhsú agus a atreorú go dtí an Tulach, a fheabhsóidh an nascacht le Luimneach agus a bhunóidh nasc iompair nua go Míleac idir Luimneach agus Ard na Croise. Beidh trí sheirbhís laethúla fillte ar an mbealach feabhsaithe ó Luan go Domhnach chomh maith le seirbhís tráthnóna dhéanaigh sa bhreis ar an Aoine agus ar an Satharn.
Leanfaidh an bealach feabhsaithe de nascacht a sholáthar do cheantair agus sráidbhailte Ard na Croise, Chill Chisín, Chuinche agus Mhuileann Uí Cheallacháin chomh maith le nascacht a thairiscint le seirbhísí réigiúnacha bus agus le Stáisiún Traenach na hInse.
Ag labhairt di roimh an seoladh, dúirt Bainisteoir Ginearálta Nasc Áitiúil TFI do Luimneach agus don Chlár, Anne Gaughan:
“Tá áthas orainn leathnú sheirbhís 318 sa Chlár a fhógairt, rud a thairgeann naisc bhus go minic ó Mhíleac agus an Tulach go Luimneach agus Inis. Cuirfidh seirbhís tráthnóna dhéanaigh rogha iompair iontaofa ar fáil dóibh siúd atá ag taisteal chuig an obair, an coláiste, an oiliúint, na radhairc nó atá ag tabhairt cuairt ar theaghlach agus ar chairde.”
Tuilleadh Eolais:
Le haghaidh tuilleadh eolais déan teagmháil linn nó tabhairt cuairt ar: www.locallinklc.ie
Faigh tuilleadh eolais faoin bPlean Soghluaisteachta Tuaithe cúig bliana Éire a Nascadh.