Torthaí comhairliúcháin phoiblí
Inniu, d’fhoilsigh an ÚNI torthaí comhairliúcháin phoiblí maidir leis an moladh beartas comhsheasmhach a thabhairt isteach chun peataí a iompar ar sheirbhísí Transport for Ireland (TFI). Fuarthas breis is 2,500 aighneacht, agus léirigh formhór mór na n-aighneachtaí tacaíocht do pheataí a cheadú taisteal ar iompar poiblí.
Na buntáistí a bhaineann le bheith in ann taisteal le peataí
Tharraing go leor acu aird ar na buntáistí a bhaineann le bheith in ann taisteal le peataí chuig coinní tréidliachta, ar chuairteanna teaghlaigh agus ar thurais laethúla eile, agus ag an am céanna tacú le spriocanna inbhuanaitheachta níos leithne trí spleáchas ar fheithiclí príobháideacha a laghdú. Sa chomhairliúchán, sainaithníodh réimsí inar féidir an polasaí atá beartaithe a fheabhsú. I measc na moltaí coitianta bhí níos mó solúbthachta a thabhairt isteach maidir le madraí beaga a iompar, treoir níos soiléire a chur ar fáil do phaisinéirí agus do bhaill foirne agus cur chuige intuartha comhsheasmhach a chinntiú thar sheirbhísí uile TFI.
Cé gur tugadh tacaíocht láidir don togra, tharraing freagróirí aird freisin ar ábhair imní a bhain le hailléirgí, compord paisinéirí, sláinteachas, sábháilteacht agus forfheidhmiú. Rinne an ÚNI na saincheisteanna sin a mheas go cúramach agus mhol siad freagrachtaí breise d’úinéirí agus treoir oibríochtúil chun cabhrú lena chinntiú gur féidir an beartas a chur chun feidhme ar bhealach sábháilte, praiticiúil agus cothrom.
Oibreoidh an ÚNI anois le hoibreoirí iompair phoiblí chun nuashonruithe a dhréachtú ar fho-dhlíthe agus ar choinníollacha iompair ábhartha. Beidh feidhm ag na hathruithe ar sheirbhísí a fhaigheann maoiniú ó TFI, lena n-áirítear seirbhísí bus, iarnróid agus Luas, a luaithe a bheidh na fodhlíthe agus na coinníollacha iompair i bhfeidhm. Tógfaidh sé roinnt ama iad a thabhairt chun críche agus a chur chun feidhme.
Cead do mhadraí treorach agus do mhadraí cúnaimh taisteal
Leanfar de chead a thabhairt do mhadraí treorach agus do mhadraí cúnaimh taisteal ar gach seirbhís TFI gan srian.
Tuilleadh Eolas