Dúshlán Céime an Walktober

Ag Tosú

Tá sé tapa agus éasca d’fhoireann Walktober a chur ar bun. Níl le déanamh ach na céimeanna simplí thíos a leanúint chun tosú. Chomh luath is atá d’fhoireann cláraithe, beidh tú in ann do choiscéimeanna a rianú, díocas a ghríosú agus sult a bhaint as an dúshlán le chéile.

Conas Foireann a Chur ar Bun

• Ar dtús, roghnaigh ainm foirne agus ainmnigh Captaen Foirne. Beidh na nithe seo a leanas ag teastáil ó gach rannpháirtí::

• • seoladh ríomhphoist atá i bhfeidhm agus
  • cuntas cláraithe deimhnithe Active Travel Logger account.

Do Chaptaen Foirne is ea a bheidh ina phríomhtheagmhálaí agus a chuirfidh an fhoireann an bun ar shuíomh gréasáin Active Travel Logger.

An Active Travel Logger a Úsáid

Físeáin Teagaisc Úsáideacha do Rannpháirtithe

Leis na físeáin teagaisc ghairide seo, treorófar thú trí na bunchéimeanna agus cuideofar leat tosú go tapa. Clúdaítear leo gach rud atá ag teastáil uait chun Active Travel Logger a úsáid go muiníneach:

• Conas foireann a chruthú
• Conas dul i bpáirt le foireann
• Conas do choiscéimeanna a logáil le Active Travel Logger

Físeáin Teagaisc Úsáideacha don Chaptaen Foirne

Más Captaen Foirne thú, cabhróidh na físeáin teagaisc ghairide seo leat d’fhoireann a bhainistiú. Tabharfar thú trí na príomhchúraimí a bheidh ort a chomhlíonadh, ó chuirí a thabhairt do bhaill foirne go coiscéimeanna a logáil ar son na foirne.

• Conas cuireadh a thabhairt do bhaill foirne trí Active Travel Logger a úsáid
• Conas coiscéimeanna a logáil ar son Bhaill na Foirne

Físeáin Teagaisc Úsáideacha do Chomhordaitheoirí Eagraíochta

Má tá tú ag comhordú Walktober laistigh de d’eagraíocht, cabhróidh na físeáin teagaisc ghairide seo leat gach rud a bhainistiú go héasca. Tabharfar tríd an eolas ar fad thú, conas breathnú ar na foirne uile atá rannpháirteach, conas sonraí foirne a choinneáil cothrom le dáta agus conas tacú le rannpháirtithe ar feadh an dúshláin. Leis na físeáin seo, tá sé éasca maoirseacht a dhéanamh ar ghníomhaíocht, fadhbanna a réiteach agus a chinntiú go mbainfidh d’eagraíocht an tairbhe is mó as Walktober.

• Conas breathnú ar fhoirne d’eagraíochta atá ag glacadh páirte i ndúshlán
• Conas eagarthóireacht a dhéanamh ar ainmneacha foirne, foirne a scriosadh agus cuirí a thabhairt do bhaill nua foirne

Eolas Ríthábhachtach

• Chun bheith ar taispeáint ar Chlár na gCinnirí, caithfidh tú do choiscéimeanna a logáil faoin spriocdháta ag 2pm gach Luan. Má chailleann tú lá, is féidir leat riaráiste coiscéimeanna suas le hocht lá a logáil le linn an dúshláin.
• Má tá tú ag iarraidh ainm d’fhoirne a athrú nó rannpháirtithe a chur leis an bhfoireann nó a bhaint di, déan teagmháil le Comhordaitheoir d’eagraíochta.

Le haghaidh treoir iomlán ar an gcaoi le tosú, lena n-áirítear an chaoi le foireann a chruthú, coiscéimeanna a logáil, foireann a scriosadh agus go leor leor eile, tabhair cuairt ar na codanna Treoir do Rannpháirtithe agus Ceisteanna Coitianta.
Is féidir leat teacht ar an dá chuid trí chliceáil ar an gceanntásc ábhartha ar bharr an leathanaigh seo. Sa Treoir do Rannpháirtithe, clúdaítear gach eolas atá ag teastáil uait faoi Walktober, agus sna Ceisteanna Coitianta, freagraítear na ceisteanna is coitianta a bhíonn ag rannpháirtithe agus comhordaitheoirí.

Mar gheall ar an méid mór ceisteanna a fhaightear le linn an dúshláin, molaimid go ndéantar na hacmhainní atá ar fáil ar an leathanach sin a sheiceáil ar dtús, mar is dóigh go bhfreagrófar do cheist ansin.

Fan i dTeagmháil le linn an Dúshláin

Déanfaidh Comhordaitheoir inmheánach d’eagraíochta, i gcomhar le Comhordaitheoirí náisiúnta ag ÚNI, tú a choinneáil ar an eolas le linn an dúshláin chun an t-eolas is déanaí a thabhairt duit maidir leis na nithe seo a leanas:

• Comórtais
• Duaiseanna
• Cláir na gCinnirí
• Fógraí tábhachtacha

Coinnigh súil ar ríomhphoist le linn an dúshláin ionas nach gcaillfidh tú an t-eolas is déanaí.

Chomh maith leis sin, is féidir leat muid a leanúint ar na meáin shóisialta le haghaidh nuashonruithe rialta, leideanna ar an dúshlán, eolais faoi na comórtais agus chun fáil amach cé atá ag dul in airde ar chlár na gcinnirí!!